Әй көнли мине хатынымәллә нинди хатыннан...Ул хатынның белмим хәттафамилиясен-атын да.Ә бер көнне уйлап куйдым,хатыным бераз тынгач:«Килде-китте түгелдер ул,Көнләштерерлек булгач...»Иртәгәсен белеп ал...
Әй көнли мине хатыным
әллә нинди хатыннан...
Ул хатынның белмим хәтта
фамилиясен-атын да.
Ә бер көнне уйлап куйдым,
хатыным бераз тынгач:
«Килде-китте түгелдер ул,
Көнләштерерлек булгач...»
Иртәгәсен белеп алдым
фамилиясен-атын да,
тагын ике-өч көн узгач,
характеры хакында.
Ə хатыным һәр көн саен
Минем җанны чистарта...
Ул көнләшкән саен минем
кызыксынуым арта.
Кайда яшәгәнен белдем,
кемнәр белән торганын,
быел ялны үткәрергә
нинди план корганын,
ничә халаты барлыгын,
төп-төгәл хезмәт хакын...
Кыскасы, белеп көнләшә -
акыллы минем хатын.
Ә көнләшкән саен һаман
кызыксынуым арта,
кызыксыну арткан саен
мине тегендә тарта.
Ә бер көнне уйлап куйдым:
«Тукта, нигә чиләнәм? -
үз хатыным табып биргән
бу хатынга өйләнәм...»
Бәлки, мин чыннан да шулай
эшләгән булыр идем,
хатыным, бәлки, терсәген
тешләгән булыр иде,
Әмма аңа нидер булды -
көнләшүен ташлады;
теге хатын əйтерсең юк —
телгә алмый башлады.
Һәм бер көнне уйлап куйдым:
«Мөгаен, бардыр сәбәп -
хатын көнләшмәслек булгач,
андый ярлар нәрсәгә?..»
Ренат Харис
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала