Әдәби мирас Уку өчен 1 минут

Кадыйр Сибгат. Киткән мәхәббәт

Администратор сайта

Караулар 661

Дата 08 апрель 2019

Мәхәббәттән качып китеп булмый.
Тотып калып булмый киткәндә.
Рухыбызны безнең саклар өчен
килә икән безгә килгәндә.
Белми кеше аның вакытларын.
Үзе килә,
үзе китә ул.
Яшәтә ул сине.
Гомереңне
уйлы-моңлы гомер итә ул.
Киткән мәхәббәтләр кире кайтмый.
Көл дә калмый.
Калмый күмер дә.
Киткән мәхәббәтнең күләгәсе
ияреп бара икән гомергә.
1989

#Кадыйр Сибгат #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.