Фәрит Мадьяров. Үпкәләмә, әнкәй...

Энҗе бөртегедәй күз яшеңне
Яшермә син, Әнкәй, яшермә...
"Балаларым озак килми", – диеп,
Күңелеңне, Әнкәй, төшермә!
Орышырга: "Сез – гамьсезләр!" – диеп,
Хаклы, Әнкәй, бары син хаклы...
Сине үпкәләткән мизгел өчен
Сыкрый, Әнкәй, күңел шулчаклы.
Хәзер без дә олыгайдык кебек,
Утын-суын кичтек, җиз торбасын...
Синнән үрнәк алып, җиңә белдек,
Юлда нинди киртә тормасын.
Фото: pixabay