Язучы Тәүфикъ Әйдинең тууына 80 ел

Татарстанның атказанган мәдәният хезмәткәре (1991), 1982 елдан СССР Язучылар берлеге әгъзасы, язучы, публицист Тәүфикъ Әйди (Тәүфикъ Рамазан улы Әйделдинев) 1941 елның 1 маенда Мәскәү өлкәсенең Шатура районындагы Туголеевский Бор бистәсендә туган. Бала һәм үсмер чагы Татарстанның Апас районындагы Түбән Балтай (1941-1951; 1955-1957), Олы Бакырчы (1954), Омск өлкәсенең Азов районындагы Төк (1951-1953) авылларында уза. 1983-1985 нче елларда ул Мәскәүдә СССР Язучылар союзы каршындагы ике еллык Югары әдәби курсларда укый. Т.Әйдинең балалар өчен язган беренче хикәяләре «Яшь ленинчы» газетасы һәм «Ялкын» журналы битләрендә 1967 елда басыла.

Әдипнең кайбер китаплары: «Боҗра» (1978), «Яңа уен» (1988), «Безгә ни булды?» (1991), «Елан угы» (1991) һ.б.

Т.Әйди 2001 елның 2 апрелендә Казанда вафат булды. Мәрхүмнең җәсәде Биектау районының Әлдермеш авылы зиратында җирләнде.