Шагыйрь Мөхәррәм Каюмовның тууына 80 ел

Шагыйрь, 1997 елдан Татарстан Язучылар берлеге әгъзасы Мөхәррәм Әхмәтнур улы Каюмов 1941 елның 3 февралендә Башкортстанның Борай районындагы Бустанай авылында туган.

М.Каюмов, урта мәктәпне тәмамлаганнан соң, Бөре педагогия институтында белем ала. Казанга килеп, газета-журнал редакцияләрендә төрле вазыйфалар башкара.

Төп басма китабы – «Торналар чылбыры» (1998, кереш сүз авторы – Г.Садә). Шагыйрь һәм аның иҗаты турында Р.Гаташ, Г.Гыйльманов һәм Ә.Мәхмүдов мәкаләләре дөнья күрде.

М.Каюмов 2003 елның 14 декабрендә вафат булды.