Актриса Һаҗәр Шәкүрованың тууына 80 ел

ТАССРның атказанган (1979) һәм Татарстанның халык артисты (1999) Һаҗәр Закир кызы Шәкүрова 1940 елның 26 июнендә Саба районының Олы Саба авылында туган. 1964 елда Республика күчмә театрында (хәзерге К.Тинчурин исемендәге Татар дәүләт драма һәм комедия театрында) эшли башлый.

Һ.Шәкүрова тудырган иң матур рольләрнең берсе – Мостай Кәрим әсәре буенча сәхнәләштерелгән «Айгөл иле» спектаклендәге Айгөл образы. Артистка башкарган рольләрнең кайберләре: «Хаҗи әфәнде өйләнә»дә (Ш.Камал) – Камилә, «Гармун уйный беләсеңме?»дә (Т.Миңнуллин) – Мәрзия, «Җаным жәл түгел сиңа»да (Г.Зәйнашева) – Зөһрә, «Сары чәчәк ата көнбагыш»та (А.Гыйләҗев) – Лира...

Һ.Шәкүрова 2019 елның 26 июнендә (нәкъ туган көнендә) вафат булды.