ДӨНЬЯДА СҮЗЕМ КАЛЫР...
ӘБРАР КӘРИМУЛЛИН
(29.05.1925-18.09.2000)
Милли исем ул – халыкның рухи байлыгы. Тел белән шаяру ул – халыкның язмышы белән уйнау. Манкортлык, милләтнең юкка чыга башлавы милли исемнән ваз кичүдән башлана. Мондый кешеләрнең күпчелеге – милләтара никах резервлары.
***
Театр ул – халыкны массовый рәвештә, эмоцияләр аркылы турыдан-туры тәрбияләүче идеология коралы. Урыс шовинистлары, коммунистик идеология ялчылары булган татар манкортлары театр, сәхнә, эстрада һәм массакүләм информация чараларын әнә шуннан чыгып, татарны урыслаштыру өчен киң файдаланалар.
***
Милләтне урыслаштыруның нигезе халыкны үз милли гореф-гадәтләреннән аеруга да бәйләнгән. Татарлар арасында җилдән бала табу, фахишәлек кылу революциягә хәтле сирәк күренеш булган. Бу татар халкы этнографиясен өйрәнгән урыс этнографлары тарафыннан да искә алына.
***
Бездә эчүчелек тә сирәк күренеш булган. Хәзер бу яктан татарлар урысларны да узып киттеләр.
***
Татар милләтен торгызуны мин милли телдә укытудан, милли гореф-гадәтләребезне кайтарудан, милли тәрбиядән, дәүләт теле татар теле булудан башка, ислам диненнән башка күз алдына да китерә алмыйм. Милләтара никах мәсьәләсе дә әнә шуңа барып тоташа.
Текстны журналга Ләбиб Лерон әзерләде.
"Безнең мирас". – 2024. – №5. – Б.3
![Выпуск журнала март](https://beznenmiras.ru/images/uploads/categories/2024/8/2/ea6eb2918c01940f3c6689e4241f746a.jpg)
КОММЕНТАРИЙ ЯЗАРГА