Ислам. Дини сүзлек

Габд

Габд/габде (гарәпчә – кол, күплектә – «гыйбад») – ул ислам динендәге халыкларда «Аллаһ колы» мәгънәсендә кеше исемнәренә кушып йөртелә. Мәсәлән, Габдаллаһ – Габдулла – Аллаһ колы; Габд әл-Кадыйр – Габделкадыйр – Иң Кодрәтленең колы; Габд әл-Латыйф – Габделлатыйф – Шәфкатьленең колы; Габд әр-Рәхман – Габдерахман – Миһырбанлының колы.

Гадәт

Гадәт (гарәпчә – йола, күнегелгән эш) – ислам дине таралган илләрдә бик борынгыдан – ыруглык һәм феодализм чорларыннан ук сакланып калган йолалар җыелмасы.

Язманы, «Ислам. Белешмә сүзлек» (төзүчесе – Заһид Шәфигый,

фәнни редакторы – Равил Үтәбәй-Кәрими) китабын (1993) файдаланып,

Ләбиб Лерон әзерләде.

"Безнең мирас". – 2023. – №5. – Б. 48.