Дәүләт теле
Күз төбен ярып, яшьләрем
Тәгәри телем-телем:
Акчага сугылмаган тел
Ул дәүләт теле түгел.
Кәнфит-перәннек алырга
Йөгергән бала-чага
Акчага сугылган сүзне
Хәрефләп таный ала.
Нәкъ шулай белеп үсә ул
Туган телнең бар тәмен:
Ни-нәрсә бер тиен тора,
Ни-нәрсә – бер тәңкәлек.
Әткәң-әнкәңнең теленнән
Назлы моң ташып тора;
Ул, дәүләт теле дә булса,
Бер башка ашып тора.
Мохтаҗларына ярдәмле,
Яманга гыйбрәтле ул –
Бары акчага сугылган
Тел генә дәүләтле ул.
Мөдәррис Әгъләмов
Фото: pixabay
Тәгәри телем-телем:
Акчага сугылмаган тел
Ул дәүләт теле түгел.
Кәнфит-перәннек алырга
Йөгергән бала-чага
Акчага сугылган сүзне
Хәрефләп таный ала.
Нәкъ шулай белеп үсә ул
Туган телнең бар тәмен:
Ни-нәрсә бер тиен тора,
Ни-нәрсә – бер тәңкәлек.
Әткәң-әнкәңнең теленнән
Назлы моң ташып тора;
Ул, дәүләт теле дә булса,
Бер башка ашып тора.
Мохтаҗларына ярдәмле,
Яманга гыйбрәтле ул –
Бары акчага сугылган
Тел генә дәүләтле ул.
Мөдәррис Әгъләмов
Фото: pixabay
Теги: Мөдәррис Әгъләмов Яңалыклар Редакция хәбәрләре
![Выпуск журнала март](http://beznenmiras.ru/images/uploads/categories/2024/6/24/824b35db10fbe284e644641f1ca71da6.jpg)
КОММЕНТАРИЙ ЯЗАРГА