Арчада "Библиотөн" Казансу буенда узачак

Арчада "Библиотөн-2019"-"Библионочь-2019" Бөтенроссия акциясе Казансу буенда узачак. "Казан арты" тарих-этнография музее хезмәткәрләре оештырачак чараның төп темасы "Арча тарихы" китабы экскурсовод телендә" дип атала. Бер сәгатьлек экскурсиядә балык хуҗалыгы, Арча тавы, манарасы, кирмәне, эвакогоспиталь тарихы, Казансу елгасының экологиясе һәм географиясе белән танышырга мөмкин. Акция бушлай оештырыла.