Таллаһи сүзе нәрсәне аңлата?

ТАЛЛАҺИ г. - "Татар теленең аңлатмалы сүзлеге"ндә (2005) гарәп теленнән алынма булуы күрсәтелгән. Алла исеме белән ант итү сүзе, «Орфографик сүзлек»тә ымлык дип искәртелә. Чыннан да, бездә ул гадәттә билләһи, валлаһи сүзләренә ияреп кенә йөри. Ш.Мәрҗани аны гарәби чыгышлы алынмалар исәбенә кертә һәм мәгънәсен «Аллаһ (исеме) белән ант итәм» дип аңлата. Төрек телендә таллаһ(и) – Алладыр, хактыр, дөрестән дә, чыннан да мәгънәсендә. «Таллаһи» — «тәгаллаһи»дан кыскарган сүз булырга мөмкин.