«Кайсы кояш ягымлырак булды?»

Бәхет эзләп, миннән китеп бардың.
Юлларыңны томан каплады.
Кайсы кояш ягымлырак булды?
Кайсы гүзәл исемең ятлады?
Сөю эзләп миннән китеп бардың.
Юлларыңда җилләр уйнады.
Сине сагынып дәшкән сүзләремне
Көзге яңгыр гына тыңлады...
Җылы эзләп янә миңа кайттың.
Юлларыңа көтмә ак җәймә!
Чигәләрдә – ак чал, ә күңелдә
Башка йолдыз яна... Бигайбә!
Халисә Ширмән
Фото: pixabay