Болыннарга чыккач җырлыйсыңдырТургай сайравына кушылып... -«Көйгә салып, сине сагынмам» дипТәүбә итүләрең шушымы?Болыннарга чыккач уйлыйсыңдырТиңләп мине ялгыз каенга;Үзем генә түгел, сөюем барБирешмә...
Болыннарга чыккач җырлыйсыңдыр
Тургай сайравына кушылып... -
«Көйгә салып, сине сагынмам» дип
Тәүбә итүләрең шушымы?
Болыннарга чыккач уйлыйсыңдыр
Тиңләп мине ялгыз каенга;
Үзем генә түгел, сөюем бар
Бирешмәслек сагыш-кайгыга.
Болыннарга чыккач, чәчәкләрне
Кочагыңа сөеп җыйганда,
Аптырама, күз яшенә түгел,
Чык суына алар чыланган.
Болыннарга чыккач, җырларыңны
Ишетә калсам, Ходай, бир түзем;
...Мəңгелеккә сине моңлы иткән
Үзем ич мин, бары мин үзем!
Илдус Диндаров
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала