"Бикләде дә куйды җанны..."

Бикләде дә куйды җанны
«Ярамый» дигән йозак.
Бер гомер яшәдем инде,
Яшәдем инде озак
Җансыз килеш.
Арыдым,
Шундый арыдым,
Җанымны биктә саклап.
Кычкырасым килә бүген
Үз йөрәгемне яклап,
«Ярый!» диеп.
Мәхәббәтсез җаннан
Җирдә
Җылы калмый, диеп.
Илсөяр Иксанова
Фото: pixabay

Кызыклы һәм файдалы язмалар белән танышып бару өчен Вконтакте төркеменә кушылыгыз.