1845 – 1846 елларда анда Лев Толстой яшәгән.
1845 – 1846 елларда анда Лев Толстой яшәгән.
Казанда Большая Красная урамындагы 68 нче йорт – Л.Н.Толстой йортын комплекслы реставрацияләү булачак. Бинаның тарихи кыяфәте кайтарылачак, – дип хәбәр итә Казан мэриясе.
XIX гасырда язучы Лев Николаевич Толстой яшәгән тарихи бина 1830 елда төзелгән һәм төбәк әһәмиятендәге мәдәни мирас объекты булып тора.
Мәдәни мирас объектларын саклау буенча ТР Комитеты комплекслы реставрациягә рөхсәт бирде. Реставраторлар фундаментны ныгытудан һәм түбәләрне ремонтлаудан алып тарихи агач тәрәзәләрне торгызуга кадәр күп эшләр башкарачак. Фасадны торгызуга аерым игътибар биреләчәк, кирпечтән өелгән корылмадагы ярыклар тутырылачак һәм бинаның тарихи кыяфәте кайтарылачак.
Билгеләп үтәргә кирәк, бу йорт артист П.И.Киселевский өчен салынган, соңрак ул губерна башлыгы П.Г.Осокинныкы булган, ул аны үзгәртеп төзегән. Төрле елларда бу бинада фәнни учреждениеләр урнашкан, ә XXI гасыр башында объект төрле үзгәртеп коруларга дучар булган һәм кайбер тарихи элементларын югалткан.
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала