Заманында Югары Совет рәисе Батыев кабинетына чибәр генә бер ханым килеп керә. Бик мөһим бер документка кул куйдырасы бар икән.– Сез кем буласыз соң? – дип сорый Батыев.Хатын энҗе тешләрен елтыратып е...
Заманында Югары Совет рәисе Батыев кабинетына чибәр генә бер ханым килеп керә. Бик мөһим бер документка кул куйдырасы бар икән.
– Сез кем буласыз соң? – дип сорый Батыев.
Хатын энҗе тешләрен елтыратып елмая:
– Әллә оныттыгыз дамы?! Күптән түгел бергә йокладык ласа!
Батыев хатынның йөзенә җентекләбрәк карый. Юк, хәтерли алмый бу чәчби белән чуалганын. «Бәлки, булып та онытылган хәлдер, бәласеннән башаяк...» – дип уйлап чыгып барганда, туктатып сорыйсы итә:
– Шулай да әйтегез әле, без кайда, кайчан э-э-э... бергә... йокладык икән, ә?
Хатын көлеп җавап бирә:
– Шәһәр партактивы җыелышында ич. Сез президиумда йоклап утырдыгыз, ә мин – залда...
Шамил Маннапов
Безнең мирас. - 2020. - №10. - 115 б.
Фото: pixabay
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала