"Синле үткән мең кат кадерле!"

Мин үземне өр-яңадан таптым.
Һәм яңадан җуйдым үземне.
Сагышларым кайтып сарылдылар,—
Йөрәгемә дәштем:
«Түз инде!»


Юк,
Элеккедән үзгә бу сагышлар.
Ачы, утлы —
өтә бәгырьне.
Синсез киләчәккә китеп барам,
Синле үткән мең кат кадерле!
Бер җуелып, бер табылып торам —
Төрләндерә дөнья-куласа.
Табылмас та,
Җуелмас та идем,
Җаным тулы Сөю булмаса!..
Илсөяр Иксанова
Фото: pixabay