Панаев бакчасы

Заманында казанлыларның иң яраткан урыны – Панаев бакчасында ресторан, ике яруслы театр, шахмат клубы, павильон, фонтан, кегельбан булган. Театрда рус һәм татар спектакльләре, концертлары куелган.

Бакчаның исеме аның хуҗасы – статский советник Лиодор Александрович Панаев һәм улы Ахиллес Лиодоровичларга мөнәсәбәтле. Панаевлар нәселеннән шактый гына сәнгать эшлеклеләре, язучылар, шагыйрьләр, музыкантлар чыккан. Л.А.Панаев үзе дә виртуоз-скрипач, дирижёр һәм композитор булган.
Хәзерге көндә бу бакча биләмәсендә «Динамо» стадионы урнашкан.