«Җанланган риваятьләр һәм хикәяләр» театр фестивале Казан Кремлендә узачак

Тамашачылар алдында СИБУР катнашу төбәкләренең тугыз коллективы чыгыш ясаячак. 

Казан Кремлендә 11 июльдән 13 июльгә кадәр «Җанланган риваятьләр һәм хикәяләр» театр фестивале узачак. Шәһәр халкы һәм кунаклары алдында СИБУР булган төбәкләрдән тугыз театр коллективы чыгыш ясаячак, – дип хәбәр итә Казан мэриясе. 

Фестивальне ачу көнендә 18:30 сәгатьтә Казан Кремле территориясе буйлап Спас манарасыннан Гавами урыннар ишегалдына кадәр тантаналы йөреш, «Әби әкиятләре» урам театрыннан (Әлмәт) «Җиңел канатлар» спектакле һәм ПЭЖО әфәнденең курчакларыннан (Санкт-Петербург) «Айлар» куелышы узачак.

Шулай ук башка көннәрдә тамашачыларга сәламәтлек мөмкинлекләре чикле булган кешеләр өчен җайлаштырылган өч спектакль, рус ишарә телендә ике куелыш һәм тифлокомментарияле бер спектакль тәкъдим ителәчәк. Руслан Риманастан «Клоун торышы», Елена Калагановадан «Сәхнә сөйләме», Юлия Дудченконың «Бер костюмда теләсә нинди персонажны ничек уйнарга» мастер-класслары узачак. Тулырак программа сылтама буенча бастырылган.

«Җанланган риваятьләр һәм хикәяләр» театр фестивале «Игелекле эшләр формуласы» СИБУР социаль инвестицияләр программасы ярдәмендә узачак.

Кызыклы һәм файдалы язмалар белән танышып бару өчен «Вконтакте» төркеменә кушылыгыз.