2 августта Казанда «Мин күкне сайлыйм» авиация бәйрәме булачак

Программада: җирле артистлар чыгышы, балалар мәйданчыгы, мастер-класслар, – дип хәбәр итә Казан мэриясе. 

Киләсе атнада Татарстан башкаласында «Мин күкне сайлыйм» авиация бәйрәме узачак. Чара 2 августта «Казан» Гаилә үзәгендә узачак.

Шәһәрлеләр өчен күңел ачу программасы һәм балалар мәйданчыгы, җирле артистлар чыгышлары, төрле мастер-класслар, шулай ук Татарстан Республикасы Авиация сәнәгатенең алдынгы хезмәткәрләрен бүләкләү оештырыла.

Бәйрәмдә шулай ук «Һөнәри юнәлеш аллеясы» оештырыла, анда тармак предприятиеләре һәм уку йортлары катнашачак.

Чарага керү ирекле. Башлана 15:00 тә, дип хәбәр иттеләр ТР Сәнәгать һәм сәүдә министрлыгында.

Чара халык арасында авиацияне танытыруга, яшьләрне авиатармакка җәлеп итүгә, инженер-техник белгечлекләрнең абруен күтәрүгә юнәлдерелгән. Чараны Татарстан  Республикасы Сәнәгать һәм сәүдә министрлыгы оештыра.

Кызыклы һәм файдалы язмалар белән танышып бару өчен «Вконтакте» төркеменә кушылыгыз.