Соңгы хат

Исә җилләр. Көзге елак яңгыр
Шыбыр-шыбыр коя сагышын.
Балалары очкан буш оядан
Яңгырый гүя сыктау тавышы.
Киек кошлар инде хушлашалар;
Канатларын кагып һавадан:
- Йә кайтырбыз, йә кайтмабыз! -
диләр. -
Очрашырга язсын яңадан!
Урманнарда кызыл балан пешә.
Миләшләрнең якут төймәсе.
Көзге көннең әйтелмәгән зарын
Җилфердәгән җилләр сөйләсен!
Көзге яңгыр сары яфракларны
Көмеш җепкә тезә юлымда.
...Аерылуны раслап яшем тамган
Соңгы хатың тетри кулымда.
Салисә Гәрәева
Фото: pixabay