«Музей Олимпы» Бөтенроссия конкурсына гаризалар кабул ителә

2025 елның 31 июленә кадәр «Музей Олимпы» Бөтенроссия конкурсына гаризалар кабул итү дәвам итәчәк, –  дип яза Татарстан Республикасы Мәдәният министрлыгы. 

Конкурска 2024 елның 1 августыннан 2025 елның 31 июленә кадәр гамәлгә ашырылган проектларны кертергә була. Һөнәри конкурс «2025 елгы Россия музее», «Экспозиция», «Күргәзмә», «Музей – балаларга»; «Музей вакыйгасы», «Заманчалыкны музейлаштыру» номинацияләрендә җиңүчеләрне ачыклаячак.

«Музей Олимпы» конкурсы 2009 елдан бирле эшли, ә 2024 елда Бөтенроссия конкурсына әверелде. Һөнәри музей форумының конкурс программасы музей белгечләренең һөнәри үсеш ориентирларын ачыклауга, музей җәмәгатьчелеген алга таба үстерү өчен мөһим булган темаларны һәм инструментларны җәлеп иткән проектларга игътибарны җәлеп итүгә, шулай ук музейларның социаль миссиясен актуальләштерүгә юнәлдерелгән.

Сайлап алу берничә этапта уза: бирелгән заявкалар конкурс программасы экспертлары белән онлайн интервью уза, кирәк булганда проектка турыдан-туры экспертиза үткәрелә. Экспертлар 2025 елның сентябрендә кара-каршы эксперт советында карала торган озын исемлеккә эләгәчәк иң кызыклы проектларны сайлап алачак.

Номинантларның кыска исемлегенә кергән проект командаларына аларны хезмәттәшләре алдында 2025 елның октябрь аеның икенче декадасында узачак «Музей Олимпы» Бөтенроссия һөнәри форумында якларга туры киләчәк. Традиция буенча, форум чаралары «музей пароходы» бортында узачак, ул быел Казан – Свияжск – Түбән Новгород – Казан маршруты буенча китәчәк . Җиңүчеләрне игълан итү һәм бүләкләү тантанасы 2025 елның октябрендә булачак.

«Музей Олимпы» сайтында конкурс программасы турындагы Нигезләмә белән танышырга һәм шәхси кабинетта гариза бирергә мөмкин.

Кызыклы һәм файдалы язмалар белән танышып бару өчен «Вконтакте» төркеменә кушылыгыз.