"Ишмөхәммәт хаҗи кыйссасы"

Кичә, 7 декабрьдә Казанның Мәрҗани мәчетендә “Россиянең дин әһелләрен берләштерүдә Мәрҗани мәчетенең роле: Ишмөхәммәт хаҗиның тормыш юлы, мирасы” дип исемләнгән “түгәрәк өстәл” узды. Биредә күренекле дин әһеле, остаз Ишмөхәммәт Зәитовка (1752-1841) багышланган "Ишмөхәммәт хаҗи кыйссасы" исемле китап тәкъдим ителде. Китапның авторы – Россия һәм Башкортстанның Язучылар берлекләре әгъзасы Гали Гатауллин. Шулай ук Ш.Мәрҗани исемендәге Тарих институты галиме Илдус Заһидуллин, Омск дәүләт педагогика университеты магистры Закир Шәрипов Мәрҗани мирасы турында сөйләделәр. “Түгәрәк өстәл”дә катнашучылар Казанның Нагорный бистәсендәге бер урамына Ишмөхәммәт хаҗи исемен бирергә; Мәрҗани мәчетенә бәйле галимнәр, дин әһелләре турында фәнни чаралар оештырырга; Мәрҗани мәчете турында өч телдә китап чыгарырга; Мәрҗани мәчете янында татар руханиларына мөнәсәбәтле документлар туплар өчен архив оештырырга, дигән резолюция кабул итте.
-fY1I