Римир Сәлимгәрәев. Сагыш

Гомер көзeм, ә күңелемдә - яз,
Урамнарда карлар ятса да.
Үскән җирем дәшә ял итәргә,
Торган җирем җәннәт булса да.
Искә төшә яшьлек хыялларым,
Сабакташлар, бергә үскәннәр.
Нужа чигеп, авырлыкка түзми,
Бик вакытсыз, иртә киткәннәр.
Авылыма кайтам йомышларга
Күңелемдә туган ихтыяҗ.
Юл газабын кеше сизми икән
Күрешүгә булса ул мохтаҗ.
Күчмә кошлар кебек язын кайтып
Көзен китә алмый кешеләр.
Вакыт ашыктыра, эшләр чиксез,
Өйдәгеләр минсез ни эшләр?
Сагынуларым басылгандай була,
Китәм тагын туган җиремнән.
Каңгылдаша, саубуллаша күңел,
Бу сөюдән мəңге сүрелмәм.
Фото: pixabay