Әдәби мирас Уку өчен 1 минут

Кеше иткән

Администратор сайта

Караулар 685

Дата 21 октябрь 2020

Мин бишектә чагымда ук
Дөнья миңа гашыйк булган.
Шуңа миңа зәңгәр күзләр
Насыйп булган.
Җирне күреп соклансын дип,
Кояшының нурын биргән.
Шагыйрь булсын дигәндер ул,
Җырын биргән.
Сагыш биреп, күңелемне
Тынгысыз бер диңгез иткән.
Шатлык биреп, шул диңгезне
Чиксез иткән.
Гомерем озын булсын өчен,
Ашарыма икмәк биргән.
Икмәк тәмен белсен диеп,
Хезмәт биргән.
Акыл биреп, дөньядагы
Һәрнәрсәдән көчле иткән.
Һәм шуларның барысы белән
Кеше иткән.
Гәрәй Рәхим
Фото: pixabay

#Гәрәй Рәхим #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.