"Этләр белән эт буласы килми..."

Ят бер авыл аша үтеп барам...
Һау-һау килеп, этләр сәламли.
Исем кушылмаган көчекләр дә
Капка артына посып, ләң-ләң ди.
Шундый чакта имəн күсәк алып,
Туктап сугышырга кирәк тә...
Этләр белән эт буласы килми,
Көчекләре белән бигрәк тә.
Акрын гына юлны дәвам итәм,
Юлым дөрес булгач — ис китми,
Ә этләрнең елап өрүләре
Мыек бөртеген дә селкетми.
Әнгам Атнабаев
Фото: pixabay