Әдәби мирас Уку өчен 1 минут

"Бу буран шулкадәр көтелгән..."

Администратор сайта

Караулар 837

Дата 17 февраль 2020

Бу буран шулкадәр көтелгән!
Алҗытты дөньяның карасы...
Йөрәктән йөрәккә ераклык
Кайчакта бер буран арасы...
⠀
Бер гомер арасы ялгышлар -
Кул сузсам, җанымны пешерә.
Буранда - җәйләрдән җылырак
Бәгыре күшеккән кешегә...
⠀
Тыннарны куыра... Җилләрдән
Кайнарлык көтәмме мин юләр?
Тик кичә булган күк... буранлы
Кояшым син минем, диюләр...
⠀
Тик кичә булган күк... Ә бүген -
Түбәдән... һәммәсен көрт күмгән...
Жәлләмә адашты дисәләр -
Бу буран шулкадәр көтелгән!..
Гөлүсә Батталова
Фото: pixabay

#Гөлүсә Батталова #Яңалыклар #Редакция хәбәрләре

Кызыклы һәм файдалы язмалар белән танышып бару өчен Вконтакте төркеменә кушылыгыз.