6 март 2025 яңалыклары

• Ачык фикерле зат

  

  В.Ярулла тәхәллүсен дә йөрткән язучы-драматург Ярулла Вәли (Ярулла Вәлиев) хәзерге Татарстанның Буа районындагы Бикмураз авылында туган. Оренбургта укый, «Шура» һәм «Вакыт» басмаханәләрендә эшләгәндә, Закир Рәмиевнең (Дәрдемәнд) кызы Зәйнәпкә 1914 елда өйләнә. «Җанлы җеназа», «Ачлык кушты», «Мәңгелек мәсҗет», «Йолдыз» (шивәләр мәҗмугасы), «Оят, яки күз яше», «Үзеңә кайта», «Ахыр заман бәласе», «Урман әүлиясе», «Әфьюн», «Ялтыравыклы күз», «Җәйге таңда көтү куганда» дигән әсәрләр авторы.

  🏷 Лирон Хәмидуллин

  Әдәби мирас, Яңалыклар

  06 марта 2025 Комментарий ЮК

• Ниятләр чынга ашсын

  

  Башкортстанның талантлы скульпторы, РФ Рәссамнары берлеге, ЮНЕСКОның Сынлы сәнгать халыкара ассоциациясе әгъзасы, Башкортстанның «Знай наших» сәнгати проект-фестивале Гран-при лауреаты, милләттәшебез Илдус Закиров белән узган әңгәмә – аның иҗат уңышлары хакында. Илдус Наил улының күркәм хезмәтләре арасында Бөек Ватан сугышы каһарманы, партизан хәрәкәте командиры, Чехословакиядәге 16 шәһәрнең почётлы гражданы, Чехословакиянең бар югары бүләкләре кавалеры, Сталин, Рузвельт, Жуков белән беррәттән Гитлерның «атып үтерү» исемлегенә кертелгән шәхес, гомумән, 86 орден һәм медаль иясе Даян Баян улы Мурзин бюстлары да бар. Болар – Россия һәм дә элеккеге Советлар Союзы территориясендә аның хөрмәтенә беренче булып урнаштырылган бюстлар. Дөрес, Даян Баян улы мондый ихтирамга үзе исән чакта ук лаек иде, әлбәттә.

  🏷 Admin

  Сәнгати мирас, Яңалыклар

  06 марта 2025 Комментарий ЮК