Сибгат Хәкимнең язучылар җитәкчесе булудан баш тартуының җитди сәбәбе нәрсә?

Татарстанның хакиме Фикрәт Табиев, шагыйрь Хәкимне үз янына чакыртып, язучылар җитәкчесе булырга бик каты кыстый башлый:

—  Сибгат ага, ул урынга сез генә лаек! — ди.

— Юк, Фикрәт Әхмәтҗаныч, булмый! — ди шагыйрь. — Сәламәтлек тә юк.

— Хәйлә генә бу, Сибгат абый, — ди хаким. — Кремль больницасына салабыз, дәвалыйбыз.

— Юк, юк, мин администратор түгел, — ди Хәким.

— Өйрәтербез, Сибгат абый, — ди хаким.

— Ярар, мин хатын белән киңәшеп карыйм алайса, — дип, Сибгат кайтып китә.

— Мин каршы түгел, — ди Мөршидә ханым иренә. — Зур урын, Табиев үзе дә кыстагач, риза бул, Сибгат.

Табиев Сибгатне тагын чакыртып ала.

— Ну, Сибгат ага, ризамы? — ди хаким.

— Юк, — ди Хәким. — Хатын риза түгел!

— Менә монысы бик җитди сәбәп! — ди хаким. — Алайса, берни эшләп булмый инде. Болай булгач, Ибрай Газины кыстарга туры килер!

 

Комментарий язарга