Рәдиф Гаташ: Мин — яратырга яралган бер гашыйк!

Мин — яратырга яралган бер гашыйк!
Яр гамендә чыккан хис ярдан ашып,

Ташып, бер көч (силме?) сиңа китерде,
Гүзәллеккә тезләндерде шикелле.

Кызгандымы яшьлегең, яз сулышы
Назлады, һушка килергә булышты.

Гөлләр исе килгән ут-учагыңда
Өр-яңадан яшәрдем шул чагында.

Туңган канны җылытты юрган-чәчең,
Ачы-татлы чын шәраб иттең яшем!

Тик яр булырга яралган буй кызга
Мөкиббән җаным аман җамын суза!

Комментарий язарга