Журнал «Безнең мирас»

Саҗидә Сөләйманова. Унсигез




Унсигез яшь!
Кемнән кичмәгән,
татлы шәраб кемнәр эчмәгән -
дөнья гүзәл,
юллар тип-тигез,
тормыш алда -
бары унсигез!
Ярны сөйсәң -
булсын гомерлек,
берең өчен берең үләрлек.
Сөеп-сүрелеп йөрсә -
ялынма!
Сүрелмәсне ничек танырга?
Унсигез яшь!
Табар эзләгән.
Узган чагын беркем сизмәгән...
Абынганда гүя ястык бар,
хәл алырга, туктап -
картлык бар.


Бүген миңа ике унсигез.
Үткән юллар түгел тип-тигез.
Узгач килә борылып карыйсы,
ал тасмалы кызны таныйсы...


1962


Фото: pixabay


Теги: Саҗидә Сөләйманова Яңалыклар Редакция хәбәрләре

КОММЕНТАРИЙ ЯЗАРГА

Выпуск журнала март

ФОТО

Казиле мәчетенә 120 ел


Башка фотолар →

Башка видеолар →

Аудио

Вафирә Гыйззәтуллина башкаруында «Җырымда юатырмын» җыры


Башка аудиоязмалар →

БЛОГЛАР





Бөтен блоглар →

ВИДЕО

  • Флюра Сөләйманова: "Филармония - яшәү рәвешем"

    Флюра Сөләйманова: "Филармония - яшәү рәвешем"

  • “Яшел камин янында. Шәхесләребез”. Газинур Моратка багышланган тапшыру

    “Яшел камин янында. Шәхесләребез”. Газинур Моратка багышланган тапшыру