Үкенеч

Такташ үзенә яңа костюм алып кайтып килә икән. Моның каршына ярлы тормышлы бер шагыйрь очрый. Такташ хәл-әхвәл сораштыра башлый. Әлеге шагыйрь кеше зарланырга тотына:

- Бәйрәмдә кияремә чалбарым да юк, - ди.

- Мә, алайса, рәхәтләнеп киеп йөр! – дип, Такташ яңа костюмының чалбарын танышына бирә дә пинжәген култык астына кыстырып кайтып китә.

- Их, пинжәгем дә юк, дип әйтәсем калган икән, - дип үкенеп йөргән ди теrе шагыйрь.

(Хәким Сәлимҗан авызыннан. 1981, 18 гыйнвар)

Рабит Батулла