Журнал «Безнең мирас»

Туфан Миңнуллин. Учагымда ут сүнгәнче кочаклап кал

Робагыйлар
И, Асылзат! Берүзеңә ничаклы мал!
Гашкыйк иргә нәрсә кирәк - барсы да бар.
Барысы бар, тик мин генә җитмим сиңа,
Учагымда ут сүнгәнче кочаклап кал.
***
Син ялгызак, мин гашыйк та ялгызак.
Икәү йөрдек бакчада без бик озак:
Итәгеңә ябышкан бер тигәнәк,
Мин идем бит, сизмәдең шул, Пәризат
***
Минме синең утларыңда көймәгәнме?
Сине күзләп эзләреңнән йөрмәгәнме?
Ә беркөнне мине чиксез бәхет басты -
Егылдым да кочакладым күләгәңне.
***
Нишлим инде, сиңа гына табындым шул,
Сүнгән идем, сине күргәч кабындым шул,
Тәвәккәлләп кочагыңа чумыйм мәллә?-
Күлен сагынган үрдәк күп сагындым шул.

Теги: Яңалыклар Редакция хәбәрләре

КОММЕНТАРИЙ ЯЗАРГА

Выпуск журнала март

ФОТО

Казиле мәчетенә 120 ел


Башка фотолар →

Башка видеолар →

Аудио

Вафирә Гыйззәтуллина башкаруында «Җырымда юатырмын» җыры


Башка аудиоязмалар →

БЛОГЛАР





Бөтен блоглар →

ВИДЕО

  • Флюра Сөләйманова: "Филармония - яшәү рәвешем"

    Флюра Сөләйманова: "Филармония - яшәү рәвешем"

  • “Яшел камин янында. Шәхесләребез”. Газинур Моратка багышланган тапшыру

    “Яшел камин янында. Шәхесләребез”. Газинур Моратка багышланган тапшыру