«Толымнарың кисмә, яме?!»

Сеңлем!

Толымнарың кисмә, яме?!

Мин, аларны күрсәм, һаман

тотынып, гүя балачакка кайтам:

озын чәчле су кызлары

төшкә керде балачактан.

Беләм: алар һаман да

әле озын чәчле!

Толымнарың кисмә!

Күпме истәлекләр яшерә алар:

анда миңа беренче оялчан карашлар,

анда кояш үбүе, яңгыр биргән назлар,

безнең өчен генә килгән язлар.

Син аларны, зинһар,

еракка алып китмә,

толымнарың кисмә, яме?!

Кисмә!

 

Рәдиф Гаташ

Фото: pixabay

Комментарий язарга