Бөтендөнья коммуникаторлар берлеге президенты: «Татарстан журналларын игътибар белән күзәтеп барабыз»

Истанбулда 11 нче Халыкара журналлар күргәзмәсе уза.

«Безнең мирас» журналы күргәзмәдә аерым урын алып тора. Бу хакта Бөтендөнья коммуникаторлар берлеге президенты Шәмсетдин бәй Күзәджи әйтеп үтте.

«Татарстанда чыгып килүче журналларны без игътибар белән күзәтеп барабыз һәм татар халкының тарих, әдәбият, сәнгать белән кызыксынуына сокланабыз. Тарихи, әдәби, сәнгати мирасыбызны яктырткан «Безнең мирас» журналы бу күргәзмәдә аерым урын алып тора. Әлеге журнал киләсе — 12 нче Халыкара журналлар күргәзмәсендә дә катнашыр дигән өметтә калабыз!» — дип белдерде президент.

Халыкара журналлар күргәзмәсе 8 июньнән 12 июньгә кадәр эшли. Әлеге күргәзмәдә Татарстаннан ун журнал, шул исәптән «Безнең мирас» та катнаша.

Күргәзмә хакында тулырак: http://beznenmiras.ru/tatmedia-zhurnallary-halykara-kurgazmada/

Комментарий язарга