Сез һаман бергә икән

Син яшь кыз, минем егет чак,

Уйнама, көлмә икән,

Сөймә дә, имеш, көймә дә,

Тауларга менмә икән.

Әйттеләр дуслар көнләпме:

— Сез һаман бергә икән, бергә икән.

 

Туйлар да үтте… гомерне

Узмас дип йөрмә икән.

Агарды чәчләр, агармас —

Утларга кер дә икән;

Әйттеләр: — Күрче боларны,

Сез һаман бергә икән, бергә икән.

 

Кадер дә, хөрмәт тә сиңа

Тик туган җирдә икән.

Оныклар үскәнче яшә,

Ятка сер бирмә икән;

Әйтсеннәр:— Күрче боларны.

Сез һамак бергә икән, бергә икән.

 

Сибгат Хәким

Фото: pixabay

 

Комментарий язарга