Нидән соң бу…

Нидән соң яме арткан җирнең,
Матурлыгы арткан дөньяның?
Бернидән дә түгел… тик син бүген
Болай гына миңа елмайдың.

Нидән соң бу тальян чыңын түгә,
Урамнарга көмеш сибелә?
Гармунчыны берәү янып сөя,
Тальян, ахры, шуны сизенә.

Бәйрәм белән мине котламадың…
Юк, зур бүләк синнән көтмәдем.
Ләкин миңа синең игътибарың
Бар нәрсәдән кыйммәт икәнен

Оныткансың.
Вакыт тапмагансың
Тәбрик сүзе язып салырга.
Күпме кирәк күңел табарга соң,
Күпме кирәк хәтер калырга?..

 

Клара Булатова

Фото: pixabay

Комментарий язарга