Рүзәл Мөхәммәтшинны котлыйбыз!

Редакциябезнең якын дусты, танылган шагыйрь Рүзәл Мөхәммәтшинның кызы туды! Аны ихластан котлап, шатлыгын уртаклашабыз! Саулык-сәламәтлек, тигезлек, иминлек белән, игелекле бала итеп үстерергә насыйп булсын!

***
Озатырга чыкма арттан, әнкәй,
Күз яшьләрең авыр җаныма...
Тәрәзәдән генә яулык болгап,
Карап кал, тик озак багып торма -
Син һәрвакыт минем янымда!
Мин озакка китмим, әнкәй, - ышан!
Сагынсаң да, авыр сагынма.
Өстәл артларында йомшак көлеп,
Яннарымда басып торган кебек, -
Син һәрвакыт минем җанымда!..