Рәшит Фәттах: «Өмет шәме»

Салкын төндә, ай нурында бер шәм

Яна иде ярга эләгеп...

Бер-бер артлы купкан җил-бураннар

Аны сүндерергә теләде.

Шәм сүнмәде, һич тә бирешмәде,

Бирешмәс тә аңа беркайчан!

Яңгыры да, күк күкрәү дә... 

Гомер буе якты яначак!

Ләкин давыл күпкә куәтлерәк,

Баса зәгыйфь утка катырак...

Уртак караңгылык сазлыгына

Мескен ялгыз шәмне батыра...

Кинәт кенә каты җилләр исте,

Һәм шәм сүнде инде мәңгегә...

Шәмнең соңгы, соңгы чаткылары

Очып кунды елга тәненә...