"Алып кит әле син мине..."

Тынгысыз башкайларымны
салыйм да күкрәгеңә,
онтылып очыйм әле бер
хыялым күкләренә.
Арала авыр уйлардан,
яман сүзләрдән якла.
Алып кит әле син мине
сызлып таң аткан якка.
Утлымы, канлымы сызык
төн һәм көн арасында?
Офыкны түгел, йөрәкне
яралап яна сыман.
Без аны кичәрбез бергә,
ялгарбыз төнне көнгә...
Алып кит әле син мине
алсу таң аткан җиргә!
Саҗидә Сөйләманова
Фото: pixabay