Ренат Харис. Нәрсә әйтим?

Кавышуларга безнең бөтен дөнья шаһит,

вәгъдәләрне бөтен дөнья белә.

Нәрсә булды сиңа? –

оныт, дидең.

Зиһенем җуеп,

оныта алмый кайтып киләм.

 

Нәрсә әйтим сине көткән бусагага?

Хәлләремне ничек итеп мин аңлатыйм?

Нәрсә әйтим ак каенга, тулган Айга,

йолдызларга, үз-үземә нәрсә әйтим?

 

Онытырмын, дисәм,

булыр ялган.

Онытмам, дип,

һич тә әйтә алмам.

Мәңге язмыш белән килешә алмам,

ничек кенә сабырлыклы була алыйм?

 

Фото: pixabay

 

Комментарий язарга