Наис Гамбәр: Таянырлык микән дусларга?

Мин җәйләрдән көзгә кереп киләм, —
Карап калам киткән кошларга;
(Таянырлык дустың булсын икән,
Таянырлык микән дусларга?)

Салкыннары тышта декабрьнең, —
Туңар инде калган кошларым;
(Таянырлык иңең булсын икән,
Таянырлар микән дусларым?)

Мин кышлардан язга чыгып барам, —
Ояларын барлыйм кошларның;
(Җан атарлык җаннар ерак, ерак, —
Колагымда өне шуларның!)

Комментарий язарга