Кыен түгел

Хатын-кызны алдау кыен түгел,

Кыен түгел көлү, җәберләү.

Хатын-кызны санга санау кыен,

Кемнәргәдер кыен — кадерләү.

 

Кемнәргәдер кыен зур сүз әйтү,

Уңышларын күрү, үстерү.

Ә кемгәдер җайлы, әмер биреп,

Өмет-хыялларын кистерү.

 

Хатын-кызны җиңү кыен түгел,

Кыен түгел таптау, тиргәшү.

Тик бизәми һичбер адәм-затын

Хатын-кызлар белән көрәшү…

 

Эльмира Шәрифуллина

Фото: pixabay

Комментарий язарга