Ренат Харис. Күрешербез әле

Хисләремә ялкын кабынган,
өметләрем канат кагына.
Күрешербез әле,
сөйләшербез әле,
кайчан да булса, кайда да булса —
бер күрешү үзе мең шифа.    Фото: pixabay

Юк иде лә шулай сагынган,
юк иде лә болай талпынган.
Күрешербез әле,
сөйләшербез әле,
кайчан да булса, кайда да булса —
бер күрешү үзе мең шифа.

Эзебезне еллар күммәгән,
давыл узган — ялкын сүнмәгән.
Күрешербез әле,
сөйләшербез әле,
кайчан да булса, кайда да булса —
бер күрешү үзе мең шифа.

 

 

Комментарий язарга