Гашыйк бул син миңа

Гашыйк бул син миңа,
Гашыйк бул син,
Вакытлыча гына булса да,
Күзләремә сеңгән
Сүнмәс яшьлек төсем
Кояш, яңгырлардан уңса да…

Гашыйк бул син миңа —
Йөрәгемдә
Беркем кагылмаган хисләр бар.
Күзләремдә минем,
Бәлки, син күрерсең,
Уңмый торган җете төсләр бар.

Гашыйк бул син миңа —
Читләп үтмә,
Күп үттеләр инде җил кебек.
Мин тын тордым…
Менә сине күргәч кенә
Мин талпынып куйдым,
Җилкeнeп.

Гашыйк бул син миңа —
Үкенмәссең…
Вакытлыча гына…
Китәрсең…
Тик бер генә язга минем күңелемне
Чәчәк тулы бакча итәрсең…
Гашыйк бул син миңа…

 

Ренат Харис

Фото: pixabay

Комментарий язарга