Роберт Миңнуллин. Бәхетле булыгыз

Сез ир-егет икән әгәр,
Эш тотсын кулыгыз.
Кулыгыздан килгән кадәр
Игелек кылыгыз.
Бәхетле булыгыз!

 

Кызлар, арагызда берүк

Булмасын толыгыз.
Матур булсын, батыр булсын
Кызыгыз, улыгыз.
Бәхетле булыгыз!

 

Онытмасын әнкәйләрне

Кечегез, олыгыз.

Озын гомер кичерегез,

Чәчегез, урыгыз.

Бәхетле булыгыз!

 

Сезгә дигән теләгем бер:

Бәхетле булыгыз!

Һәммәгез дә минем шушы

Теләктән уңыгыз!

Бәхетле булыгыз!

 

Фото: pixabay

Комментарий язарга