Журнал «Безнең мирас»

"Әллә нәрсә булды миңа язда"

Кыйгач-кыйгач кошлар очып үтте,
Кайтулары туган яккадыр.
Бәлки, ярсуларым юкка гына,
Яну-көюләрем юккадыр.
Әллә нәрсә булды миңа язда -
Чәчәк чагым, алма чакларым.
Аклык иңде бугай күңелемә
Аклыгыннан алмагачларның.
Борылышта бәхет көтеп тора, -
Мин сулышын аның сизенәм.
Шундый хисләр татыр идеммени,
Син булмасаң әгәр, бергенәм.
Әллә нәрсә булды миңа язда -
Чәчәк чагым, алма чакларым.
Аклык иңде бугай күңелемә
Аклыгыннан алмагачларның.
Кулларымны ал син кулларыңа, -
Бәхетләргә каршы йөгерик.
Икәү генә бары, икәү генә
Чын сөюнең тәмен без белик.
Әллә нәрсә булды миңа язда -
Чәчәк чагым, алма чакларым.
Аклык иңде бугай күңелемә
Аклыгыннан алмагачларның.
Шәмсия Җиһангирова
Фото: pixabay

Теги: Шәмсия Җиһангирова Яңалыклар Редакция хәбәрләре

КОММЕНТАРИЙ ЯЗАРГА

Выпуск журнала март

ФОТО

Казиле мәчетенә 120 ел


Башка фотолар →

Башка видеолар →

Аудио

Вафирә Гыйззәтуллина башкаруында «Җырымда юатырмын» җыры


Башка аудиоязмалар →

БЛОГЛАР





Бөтен блоглар →

ВИДЕО

  • Флюра Сөләйманова: "Филармония - яшәү рәвешем"

    Флюра Сөләйманова: "Филармония - яшәү рәвешем"

  • “Яшел камин янында. Шәхесләребез”. Газинур Моратка багышланган тапшыру

    “Яшел камин янында. Шәхесләребез”. Газинур Моратка багышланган тапшыру