Патшабикә Екатерина II 1767 елда Идел буенча сәфәре вакытында 5 көн Казанда була. Язма чыганаклар хәбәр иткәнчә, «Әби патша» шәһәр буенча каретада йөргән, ә аннары экипажын Казан һәм Зөя архиепископы...
Патшабикә Екатерина II 1767 елда Идел буенча сәфәре вакытында 5 көн Казанда була. Язма чыганаклар хәбәр иткәнчә, «Әби патша» шәһәр буенча каретада йөргән, ә аннары экипажын Казан һәм Зөя архиепископы Вениаминга бүләк итеп калдырган. Карета 1896 елдан шәһәр музеенда саклана. Гасыр дәвамында үз төсен югалткан ядкярне 1987 елда төзекләндерергә карар кылалар. Карета, фәкать 16 елдан соң гына, реставрацияләнеп музеебызга килүче кунакларга күрсәтелә башлады. Мәскәү белгечләре, җентекле рәвештә эшләп, аңа әүвәлге зәвыкны, затлылыкны кайтарды. Бүгенге көндә карета музей залларының берсен бизәп тора. Аның бронзадан ясалган күчерелмәсен башкалабыз Казанның Бауман урамында күреп тә хозурлана аласыз.
Фоторәсемнәр ТР Милли музей архивларыннан алынды.
Кызыклы һәм файдалы язмалар белән танышып бару өчен Вконтакте төркеменә кушылыгыз.
Комментарийлар
Комментарий уңышлы модерация узганнан соң килеп чыгачак. Гадәттә ул берничә минут вакытны ала