Көлке куа килә...

Әзәл Яһүдин

Исәнмесез, иптәш Вәлиев!

Атаклы гармунчы Гани ага Вәлиев бригадасы бер авылда концертны башлап җибәрә. Гани ага сәхнәдә киерелеп, бик бирелеп, дөньясын онытып, үзенең зур гармунында «Каз канаты» көен сыздыра. Шулвакыт клубка колхоз председателе килеп керә дә, шыгрым тулган зал аша үтеп, сәхнәгә менә һәм гармун уйнап торучы Гани агага кулын суза: «Исәнмесез, иптәш Вәлиев, исән-сау килдегезме?»