Диния нәзарәте сайтында Корбан гаетенә кагылышлы сорауларга җавап бирәләр

🏷 Администратор сайта

«Корбан бәйрәме — 2020» сәхифәсендә гает үткәрү, корбан чалу тәртипләре, бәйрәм намазын үткәрүгә кагылышлы сорауларга җавап табарга мөмкин.

Корбан бәйрәме алдыннан Татарстан Республикасы мөселманнары Диния нәзарәте сайтының «Файдалы мәгълүмат» бүлегендә «Корбан бәйрәме — 2020» сәхифәсе эшли башлады. Бу хакта ТР Диния нәзарәте матбугат хезмәте хәбәр итә.

Сайттан гает үткәрү, корбан чалу тәртипләре, бәйрәм намазын үткәрүгә кагылышлы сорауларга җавап табарга мөмкин.

Сәхифә Корбан гаете җиткәнче эшләячәк һәм яңа материаллар белән тулыландырылып торачак.

Чыганак: Татар-информ